DSE放榜之後，唔少家長都會考慮送仔女去外國讀書。不過海外升學唔只係揀學校咁簡單，學費、生活費、匯率、醫療保險、理財規劃樣樣都要諗清楚。到底要儲幾多錢先夠？點樣匯錢唔蝕匯率？點儲先最抵？等小編幫你一次過拆解！
海外升學費用預幾多？
唔同國家升學，無論學費定生活費，都有好大差異。以下我地幫大家粗略整理咗幾個熱門升學國家嘅基本開支估算：
| 國家 | 熱門科目／大學 | 每年學費（港元） | 生活費＋住宿（港元／年） | 其他開支（機票／簽證／保險） |
|---|---|---|---|---|
| 英國 | 商科（LSE）、法律（Oxford） | 約 $270,000 – $590,000 | 約 $120,000 – $150,000 | 約 $50,000／年 |
| 加拿大 | AI、教育（Toronto、UBC） | 約 $200,000 – $380,000 | 約 $100,000 – $130,000 | 約 $40,000／年 |
| 美國 | 工程、金融（MIT、Stanford） | 約 $250,000 – $530,000 | 約 $120,000 – $180,000 | 約 $60,000／年 |
| 澳洲 | 醫療、護理（Melbourne、UNSW） | 約 $180,000 – $450,000 | 約 $110,000 – $140,000 | 約 $45,000／年 |
*學費視乎大學、學科及課程年期而有所不同，以上為熱門學科／大學的常見範圍。
另外家長都要留意返英國／澳洲多數學士課程係 3 年制，但專業如醫科／工程可能要 4 年或以上。而加拿大／美國就標準為 4 年，部份學生視乎學分安排或會讀耐啲。如果你計劃送仔女去海外升學，預算方面大概由每年40萬港幣起跳，4 年的話可能要準備 160萬至300萬不等（視乎國家、課程、匯率波動等等）。
家長最關心3大理財疑問：點樣儲錢＋匯錢先唔蝕？
睇完上面嘅資料，大概預計送仔女出國讀書，開支預算要百幾萬以上，咁家長點幾時開始儲錢先夠？點樣儲最抵？匯錢去外國又點樣先唔會蝕晒匯率？其實只要早啲計劃、用啱方法，儲教育基金俾小朋友都冇想像中咁困難！
1.點樣儲錢最穩陣？幾時開始儲先夠？
其實好多家長由小朋友小學或初中已經開始計劃儲教育基金，愈早開始，壓力愈細。近年，儲蓄保險成為熱門選擇，因為佢結合儲蓄同保障功能，適合用作中長線教育開支準備。市面上有啲計劃設有短期繳費期，供款期短至2年或5年，供款靈活。揀隻啱嘅保險計劃，更可於中期提取款項，應付升學開支，例如頭期學費、機票、住宿等費用。更重要嘅係提供穩定性及長線增值潛力嘅計畫，完成供款後，保單價值仍然會持續增長，有啲仲設有保證現金價值同非保證紅利。簡單嚟講，呢類儲蓄保險唔單止可以儲錢，仲提供一定程度保障，適合教育儲備規。
2. 要點樣應對外幣升值風險？
講到海外升學，匯率係一定要諗清楚嘅一環。因為一旦目標升學國家貨幣升值（例如英鎊、加元、澳元），等於你要用更多港幣去換算同一筆學費。如果冇提早Plan好，分分鐘一兩年之間已經超支，家長應提早部署應對！
家長唔應該等到臨急臨忙先換大額外幣，建議提早分段換匯，攤分風險。如果你想更靈活對應匯率變化，可以考慮揀一啲支援多種貨幣嘅儲蓄工具或保險，例如可以用美元、加元、英鎊、人民幣、澳元甚至港元去儲錢嘅儲蓄保險或理財工具，升學時根據需要選擇提取邊種貨幣，更具彈性。
3. 匯錢去外國，點樣唔蝕匯率？
除咗匯率，點樣匯錢都要諗定！最理想嘅做法，就係選擇以目標升學國家嘅貨幣繳交學費，唔使兌換兩次。市面上一啲設有外幣提取功能嘅理財產品，支援海外銀行轉賬，可以直接喺保單提取外幣匯去海外戶口，慳返一筆手續費同中間匯率差價，亦更靈活應對升學地點變動。萬一仔女將來畢業後喺當地發展，亦可以隨時轉換貨幣，方便日後使用。
留學期間遇上突發情況？醫療、意外保障要諗埋！
海外升學唔止係讀書同應付日常開支咁簡單，仔女獨自喺外地，一旦遇上意外或者急病，醫藥費可能超乎想像。加上好多國家（例如澳洲、加拿大）都規定留學生必須購買健康保險，否則唔可以註冊或獲批簽證。
如果你已經為仔女購買一份有醫療或意外保障功能嘅儲蓄保險，升學期間就有多一重支援。部分儲蓄保險計劃仲提供醫療與意外支援，例如一啲意外護理保障，保障額高達總保費的 1,000%。
有啲產品更可以靈活更換受保人或切換保單形式，確保計劃傳承。
留學之路變數多，家長提早準備好自然放心啲。由財富儲備到突發應變，一份全面嘅儲蓄保險計劃，唔單止幫你儲到教育基金，仲可以喺仔女喺海外讀書期間，提供穩陣支援，成為你同佢哋最可靠嘅Backup！
