【澳門上葡京親子之旅】姆明谷互動打卡x期間限定店x住宿套票優惠

呢排好多一家大細都Weekend快閃去轉澳門,原來係去咗搵姆明啊!姆明家族現身澳門上葡京綜合度假村,立即去姆明谷—澳門奇遇快樂尋,不但有互動打卡區,仲有照相亭、巨型扭蛋機及姆明期間限定店!同時更特別推出姆明主題打卡美食同一系列唔同嘅住宿套票,小朋友玩到攰就隨時上房休息,叉足電再玩過!一站式體驗又食又玩又有得Shopping,大人細路都滿足晒!↓↓即刻睇行程↓↓

必打卡!4米高巨型姆明

準備好同姆明家族展開奇遇歷險之旅未? 行入花影處處嘅姆明谷,大家可以喺多個互動打卡位影相,包括巨型4米高充氣姆明、姆明同好友居住嘅圓形藍色姆明屋,令你置身童話世界。

現場更設有塗鴉畫作展示牆,大人同小朋友可發揮創意畫畫填色,最後喺展示牆上留低自己嘅作品!

必買!姆明紀念品期間限定店

肥嘟嘟嘅姆明同充滿個性嘅姆明家族成員變身成為一系列令人難以抗拒嘅精品!大家喺期間限定店可以選購澳門獨家紀念品,多款可愛嘅姆明家族抱枕、咖啡杯、毛巾、購物袋等,令人一見愛上!

凡入住澳門上葡京綜合度假村內的酒店,只需出示酒店房卡即可享姆明谷期間限定店9折購物優惠。此外,喺指定餐飲或零售商戶消費滿指定金額,即可免費到姆明主題照相亭留影打卡!更可玩巨型姆明扭蛋機,贏取姆明限量禮品!

必吃姆明主題美食

喺姆明谷玩完放晒電緊係要醫肚啦~上葡京大堂酒廊特別推出姆明精選美食,多款加入姆明造型同特色嘅美食同特飲,例如姆明嘅蔚藍拿鐵、印有小美圖案嘅漢堡等!仲有機會見到一眾姆明谷角色出現,陪住大家享受美食!

姆明谷—澳門奇遇快樂尋
地址﹕澳門上葡京綜合度假村一樓
活動日期:即日起至2024年8月31日
開放時間:上午10時至晚上10時

上葡京大堂酒廊
地址﹕澳門上葡京西翼大堂G15號(酒店入口)
活動日期:即日起至2024年8月31日
姆明主題餐單提供時間:上午11時至晚上7時

>> 活動詳情 <<

自助山 環球美食自助餐

放假最想食餐好,又要一家大細都啱食!去自助山食Buffet你又試過未呢?上葡京入面嘅自助山除咗提供一連串冷盤海鮮、時令刺身、壽司外;熱食仲有各款東南亞地道美食,如香濃足料嘅新加坡肉骨茶、惹味香口嘅馬來西亞沙嗲烤肉串等!多款環球美食,一次過滿足晒!最重要係7-12歲小童半價,每位成人可以免費帶同一位6歲或以下小童享用自助餐!

自助山

地點:澳門上葡京西翼三樓308號(酒店入口)
時間
早餐:上午7時至10時30分
午餐:中午12時至下午3時
晚餐:下午6時至晚上10時

>> 預訂座位 <<

上葡京一系列住宿套票

同小朋友去玩最想買優惠Package唔使煩!澳門上葡京推出一系列住宿套票,例如住宿連早餐特惠,享受豪華住宿連自助山雙人自助早餐!另外更有住宿、交通、玩樂一系列Package,總有一款啱你!

>> 即刻Plan行程 <<

Close
ilovemama © Copyright 2023. All rights reserved. 版橏所有.
Close