【澳門科學館兒童世界】熱帶雨林主題！三層高大型遊樂設施x超長滑梯

上次介紹完澳門必去嘅超大放電公園，今次就介紹下澳門嘅科學館啦～入面分咗三個部分，小朋友最愛就緊係兒童世界！以熱帶雨林為主題，分爲幼兒區(2-4歲)及小童區(5-12歲)，幼兒區內設有小型滑梯、捕魚遊戲及軟墊積木等設施；小童區就有一座三層高嘅大型遊戲組合，由繩網、隧道、沙包、彩虹管道及軟墊積木組成，又有超長嘅瀡滑梯玩～最重要係有冷氣又有職員幫手睇住小朋友！#放電啦 #唔怕落雨天

話明要幫肥甄放電，當然唔會只去一個地方
早上玩完「林荗兒童遊樂場」之後
我地就搭車去到《澳門科學館》
科學館分左三個部分，分別係「展覽區」、「天文館電影區」同「兒童世界」
今次我地的目標當然係以「兒童世界」的玩樂為主

「兒童世界」每日分左七個時段，
每個時段玩50Mins，澳門居民只需要$10(真係好平)
我地外省人就要收$35😂，家長不用計錢
但只限一大一小進場。
入場玩仲有免費Locker可以擺放物品，認真方便。

「兒童世界」以熱帶雨林為主題
並分爲幼兒區(2-4歲)及小童區(5-12歲)兩部分
購票的時候，職員會提醒小朋友的年齡只可以玩佢地所屬的遊戲範圍。(換句話：小童區的小朋友係唔可以走過去幼兒區玩，免得小朋友之間有所碰撞)
幼兒區內設有小型滑梯、捕魚遊戲及軟墊積木等設施；至於小童區則包括一座三層高的大型遊戲組合，由繩網、隧道、沙包、彩虹管道及軟墊積木組成，又有超長的瀡滑梯玩。
又有冷氣嘆，又有職員幫手睇住班馬騮🐒
結果，我同好多家長都係坐起旁邊，嘆冷氣呷眼瞓🥱