呢排好多媽媽帶小朋友去澳門旅行，除咗有唔少親子景點之外，留喺酒店都大把嘢玩～今次介紹呢間酒店有新開幕全澳門最大嘅水上樂園，室內區係專為小朋友設計嘅太空主題，有螺旋滑水道、滑梯、大水桶、雨林、同埋多枝噴水槍，啱晒小朋友夏天盡情玩水！仲有佔地四層嘅滿紛樂園室內遊樂場，分咗山岩、叢林、海底、外太空同太空站五個區，集合超多款大型綜合遊樂設施，包括小朋友最愛嘅電動車！唔同年齡層嘅小朋友都可以放足電！
開關之後已經第三次嚟澳門，今次主要喺想帶Asher去新開幕全澳門最大嘅水上樂園同埋四層高嘅遊樂場玩。呢兩個設施都喺新濠影滙入面，所以我哋今次都揀選入住新濠影滙酒店方便去玩。😆
新濠影滙交通都幾方便，除咗酒店穿梭巴士之外，新濠影匯仲連接住澳門輕軌站，我哋就係喺舊城區食完嘢之後搭輕軌去酒店🚊
我哋大概13：30左右到酒店，當時已經有唔少人排隊check in，不過酒店人手都幾充裕，15分鐘左右已經可以攞到鎖匙上房😍
今次訂嘅係酒店入面最平嘅Celebrity Room，我哋揀咗大床房，張床真係好大，200cm x 200cm，好啱我哋一家三口瞓埋一齊。😁
雖然我哋入住最平嘅一款房型，但喺景觀都非常好，除咗有海景之外，仲望到輕軌站同埋機場跑道，Asher喺房入面就可以睇到飛機、輕軌、輪船、澳門巴士同埋的士等等嘅交通工具，非常興奮。😆
新濠影滙酒店 Studio City Hotel
地址：路氹城填海區G300，G310及G400地段
電話：+853 8865 8888
交通：酒店穿梭巴士或澳門輕軌（蓮花口岸站）
👉👉👉 即刻預訂 👈👈👈
新濠影滙水上樂園
我哋喺酒店換好哂泳衣之後就直接去水上樂園，酒店住客有專用通道直接進入水上樂園，玩完之後抹一抹身就可以直接返酒店房先沖涼，非常方便👍🏻樂園仲提供免費儲物櫃，先到先得。 水上樂園室內恆溫27-29度，而水溫亦恆溫28-30度，一年四季全天候都啱入場玩。
今次呢個行程最重要就係要去剛剛開幕全澳門最大嘅新濠影滙水上樂園。樂園分咗室內同戶外兩個園區，室內園區以太空做主題，入面有 好多個遊樂設施，包括：極速水上過山車、衝浪模擬器、 7 個滑水道設施、造浪池、天際星空池、星空激流之旅、同埋一個挑戰平臺跳水同攀岩歷險嘅天崖海角。
Asher喺室內園區最鍾意玩就係太空控制台，呢個專為小朋友設計嘅太空堡壘有螺旋滑水道、滑梯、大水桶、雨林、同埋多枝噴水槍，呢個刺激度對小朋友嚟講真係啱啱好😆
我同老婆就輪流玩咗一陣刺滑水道，不過都唔敢挑戰極速水上過山車，最後由室內連接到室外天際星空池打完咭影靚相之後就出去戶外園區。😊
戶外園區有5條高達20米嘅滑水道同埋多條滑梯，但都未啱Asher玩，反而佢喺黃金大水桶呢個小朋友專屬嘅嬉水設施就玩得好開心，另外戶外園區仲設有專為小朋友而設嘅小旋風同滑水道，Asher體驗完都話真係好刺激。😂
我哋經KKday買家庭水上樂園門套票*，室外及室內可以暢通遊玩，統一票價唔分區域。
新濠影滙酒店水上樂園 Studio City Water Park
地址：澳門路氹連貫公路, 新濠影滙三樓
電話：+853 8865 6767
交通：酒店穿梭巴士或澳門輕軌（蓮花口岸站）
*門票僅為使用當天有效。
👉👉👉 即刻預訂 👈👈👈
滿紛樂園
今次澳門之旅Asher最期待就係去新濠影滙呢個佔地四層嘅滿紛樂園，樂園分咗山岩、叢林、海底、外太空同太空站五個區，設施超多，唔同年齡層嘅小朋友都可以喺度盡情放電。🤸🏻
我哋食完早餐等樂園11點開門就準時入場，滿紛樂園空間好大，職員亦都好多而且非常友善。喺職員鼓勵下Asher第一次攀爬大型繩網同埋瀡超高嘅滑梯。🥰
滿紛樂園入面Asher最鍾意玩嘅就係叢林反斗車，由於我哋早入場冇其他小朋友排隊，Asher可以不斷換車駕駛到夠。玩完車之後我哋直接上7樓嘅太空站主題區，趁未多人仲搵職員幫我哋一家三口影返幾張太空家庭照。❤️
最後我哋先帶返Asher去3樓嘅海底主題區玩，呢個主題區佔地 2,400 平方呎，有多款大型綜合遊樂設施，包括阻礙挑戰、滑梯同埋波波池，再加上一個叫浪花彈彈塔嘅迷你跳樓機，小朋友入到去冇一個鐘頭都出唔返嚟。😆
1歲以下小朋友入滿紛樂園玩係免費嘅，而成人同100厘米以下小朋友正價門票價錢係$100(平日)同$120(假日)，其他小朋友就係$180(平日)同$230(假日)，不限時，可由11：00玩到19：00，經KKday買仲有優惠。😍
滿紛樂園 Super Fun Zone
地址：澳門路氹連貫公路, 新濠影滙西翼三樓
營運時間：11:00 – 19:00 (逢星期三休息)
電話：+853 8865 6767
衣著要求：入場建議穿著長袖上衣及長褲子（蓋過腳踝），小童及成人均須穿著襪子， 建議穿著運動鞋及防滑襪
交通：新濠影滙酒店穿梭巴士或澳門輕軌（蓮花口岸站）
👉👉👉 即刻預訂 👈👈👈
碧迎居
經KKday買新濠影匯家庭水上樂園套票會送餐飲劵，d餐飲劵可以喺新濠影匯入面嘅餐廳食嘢時用，包括咗好受小朋友歡迎，可以坐喺跑車上面開餐嘅載運美式餐室，不過我哋最後揀咗去碧迎居食Asher同媽媽都啱嘅中菜。😁
碧迎居係一間24小時營業嘅中菜餐廳，提供川、湘、粵同埋北方風味菜。有兩個入口，一個喺娛樂場入面，另一個就喺美食街。
碧迎春雖然佢喺一間獲米芝蓮推薦嘅餐廳，但價錢又唔算好離地，一客蟹皇小籠包賣$68，一窩蟹粥就賣$218，隻蟹仲要有糕，感覺仲抵過上次喺澳門另外兩間蟹粥店食，而Asher最鍾意就係呢度嘅鮑魚燒賣。由於美食街果邊好近新濠影匯綜藝館，我哋食飽之後仲有幸喺核心嘅外圍聽到黎明唱歌。😍
碧 迎居
地址：新濠影滙娛樂場1樓1182號舖
電話：+853 8865 6650
交通：酒店穿梭巴士或澳門輕軌（蓮花口岸站）
星滙餐廳自助早餐
新濠影滙酒店住客可以9折去星滙餐廳食自助早餐，不過折完都唔夠喺KKday買早餐劵平，$180一位已包加一，而且6歲以下小朋友免費，我哋一家三口埋單價只係$360，而且冇限時，可由07：00一路食到11：30。😆
餐廳地方非常大，而且食物種類比一般酒店自助早餐都多。除咗有廚師主理粥檔、麵檔同蛋檔之外，另外仲有廚師不斷煮小炒放於中式小炒區。我哋食得最多就係自選生滾粥同中式點心，燒賣、蝦餃同珍珠雞質素都唔錯。麵包糕點區有葡撻，仲有多款水果、冷盤同沙律，基本上一餐係唔會試得哂呢度嘅食物。🙈
星滙餐廳
地址：新濠影滙東翼二樓2113號
電話：+853 8865 8888
交通：酒店穿梭巴士或澳門輕軌（蓮花口岸站）
👉👉👉 即刻預訂 👈👈👈
8字摩天輪影匯之星
嚟得新濠影滙當然要去坐下呢度最有標誌性嘅8字摩天輪影匯之星啦，呢個摩天輪係全亞洲最高以同埋全球唯一一個8字摩天輪。坐喺摩天輪上面可以居高臨下飽覽澳門景色，而家影匯之星仲特設咗期間限定嘅B.Duck主題車廂，非常適合影相打卡。📸
兩歲以上小朋友可免費乘搭呢個8字摩天輪，標準門票正價$100，喺KKday買門票仲有票價優惠。😍
影匯之星 Golden Reel
地址：澳門路氹連貫公路, 新濠影滙東翼三樓
營運時間：14:00 – 20:00 (逢星期二、三休息)
電話：+853 8865 6767
交通：新濠影滙酒店穿梭巴士或澳門輕軌（蓮花口岸站）
👉👉👉 即刻預訂 👈👈👈
親子活動 親子好去處 育兒資訊 飲食
Facebook：為食爸爸與Asher的親子日常
