香港嘅士多啤梨收成季節本來係12月至3月，但因為今年天氣反常，唔少本地嘅士多啤梨收成時間都延遲咗啊！既然係咁，不妨趁天氣涼涼地，帶小朋友去親手摘吓士多啤梨啦！今日介紹呢7間士多啤梨農場，大部份都係免費入場。而且除咗士多啤梨，仲有其他蔬果俾大家摘返屋企，即刻去了解更多啦！
1.朗屏士多啤梨葡萄園
5萬呎士多啤梨田任大家摘！呢度有多達10款唔同品種嘅士多啤梨，例如：淡雪、白天使、紅臉頰、牛奶、紅寶石、茉莉香、天仙醉、佐賀清香等等，以日本品種為主！
入場免用全免，而士多啤梨就係摘幾多俾幾多，每磅收費$90。同場仲有日本提子同其他農作物可以摘，唔同季節有唔同蔬果！大家仲可以買飼料餵小動物同佢哋近近距離接觸𠻹！
*最新消息：初七後士多啤梨會開始多起來
朗屏士多啤梨葡萄園
地址：元朗青山公路元朗段117號
交通：朗屏西鐵站B出口轉乘K66巴士到大棠站落車／於千色廣場(停車場路口對面)，乘搭
「往大棠」紅色小巴，於大棠村落車
開放時間：8:00-18:00
電話：9251 8926
收費：免費入場；士多啤梨 $90/磅
官方網站
2.開心花園農莊
大大粒士多啤梨，見到都想食啊！唔少客人都話呢度嘅士多啤梨好香甜！
除咗可以自己摘水果，仲有可以買瓜菜、鮮花盆栽同埋種子！想同小朋友體驗一下種植過程嘅家長，不妨買返去試吓！
呢度仲有小朋友最愛嘅遊樂設施同充氣城堡。
同場仲有燒烤場，一家人摘完士多啤梨之後一齊BBQ，非常適合一家大細嚟呢度過一個開心周末！
注意返本年度嘅士多啤梨已經收割咗啦！士多啤梨 $100/磅，有指定嘅可採摘時間。因為天氣影響，天然農作物收成不定，記得提前上Facebook留意最新消息，同WhatsApp查詢啊！
開心花園農莊
地址： 元朗大棠山道24號
交通：於千色廣場(停車場路口對面)，乘搭「往大棠」紅色小巴，於大棠郊野公園路口或偉記食堂落車，由大棠山道一直走5-10分鐘，看到開心花園指示牌，轉左直行不用5分鐘就能到達開心花園農莊
開放時間：星期一至四 12:00-18:00; 星期五 12:00-20:00; 星期六至日 10:00-22:00
收費：士多啤梨 $100/磅
官方網站
*只接受WhatsApp「訊息預約」
3.大棠有機生態園
只係需要$80農莊入場費，就可以入場任摘士多啤梨！呢度嘅士多啤梨品種豐富，另外仲有提子、車厘茄、菠蘿等蔬果可以摘！
當然唔少得佢哋嘅生招牌：滑草皮啦！
仲有得近距離同動物接觸！
大棠有機生態園
地址： 香港新界元朗大棠山道十一號
交通：朗屏西鐵站B出口轉乘搭K66巴士到大棠站道路口落車，再沿小路步行約15分鐘／於千色廣場(停車場路口對面)，乘搭「往大棠」紅色小巴，再沿小路步行約15分鐘便可到達。
開放時間：星期一至日 09:00 – 18:00
電話：24702201
收費：$80入場費
官方網站
*請預先查詢士多啤梨產量情況
4.老徐農莊士多啤梨園
呢個農莊一樣係免費入場，所有摘取嘅蔬果都係按磅計費，而且不設最低消費！喺呢度可以搵到4種分別嚟自法國、韓國、美國同埋日本嘅士多啤梨。
有大量時令瓜果菜蔬～
附近仲有粉嶺區主要旅遊、素食熱點嘅「雲泉仙館」。不妨帶埋小朋友去參觀一下啦！
老徐特大農莊(老徐農莊)
地址：粉嶺打鼓嶺昇平村(雲泉仙館 停車場直行到尾)
交通：粉嶺鐵路站乘搭52K小巴至打鼓嶺升平村明愛中心落車
開放時間：09:00 – 18:00
電話：9168 8931 , 6774 8037
收費：免費入場，士多啤梨$65/磅，蔬菜$20/磅
官方網站
Facebook
*請預先查詢士多啤梨產量情況
*老除農莊門口免費停車場
5.羅氏士多啤梨園
位於元朗嘅羅氏士多啤梨園，一樣都係無需入場費！士多啤梨全部都可以任摘再按磅收費，每磅$70。
另外都有其他時令蔬菜可以採摘，包括：蕃薯、紅菜頭、紫油麥菜、豬乸菜、生菜、木瓜、羽衣甘藍等！
農莊仲有小農夫親子體驗活動可以俾小朋友參加。小朋友可以親身試吓翻泥，平地，再種菜苗，每位參加者仲可以帶一盆小菜盆栽返回家𠻹！
羅氏士多啤梨園
地址：白沙村第—段橋頭行入去
交通：於朗屏西鐵站B出口，乘紅色小巴；於鳳琴街體育館小巴站乘39號綠色小巴，至白沙村第一段橋落車
開放時間：09:00 – 18:00
電話：2470 7981
收費：免費入場，士多啤梨$70/磅
官方網站
*請預先查詢士多啤梨產量情況
6.鳳凰農場
上水打鼓嶺嘅鳳凰農場同樣都係免費入場，士多啤梨按重量收費，每磅$80。
除咗士多啤梨，仲有其他有機蔬菜，例如：包括椰菜、大白菜、生菜、車厘茄等等。
鳳凰農場
地址：新界打鼓嶺坪輋路1117號 打鼓嶺鳳凰農場士多啤梨自摘園B
交通：由粉嶺站公共小巴總站乘搭小巴52K前往坪輋(在總站下車)，鳳凰農場就在對面／由上水站公共巴士總站乘搭79K至打鼓嶺李屋村站下車，鳳凰農場就在對面
開放時間：07:00 – 18:00
電話：6219 4955
收費：免費入場，士多啤梨$80/磅
官方網站
*請預先查詢士多啤梨產量情況
7.觀光有機士多啤梨園
觀光有機士多啤梨園都係免費入場，士多啤梨就按磅收費，$120/磅。今年更係有新日本士多啤梨品種：甘露！
同樣地呢度都有其他農作物可以採摘，包括：薯仔、牛角茄、羽衣甘藍、青棗等等。
大家仲可以參加「果醬製作研習」一齊親手製作有機士多啤梨果醬！
觀光有機士多啤梨園
地址：新界粉嶺打鼓嶺李屋新村坪輋泥路
交通：粉嶺東鐵站C出口轉52K專線小巴 （坪輋） 總站落車／上水東鐵站東鐵 A4出口轉79K巴士（打鼓嶺 ）李屋村站下車
電話：2674 6198
收費：免費入場，士多啤梨$120/磅
官方網站
*請預先查詢士多啤梨產量情況
圖片來源：官方網站
