隨住天氣變涼，唔少BB、⼩朋友都可能會唔舒服。特別係⼀到冬天，就會有較多BB有腸胃問題，輕則肚痛，重則要吊鹽⽔，住院治療！如果BB突然變得胃⼝差、嘔、屙得嚴重（稀便）、昏昏欲睡、⼩便減少⋯⋯咁有可能就輪狀病毒作怪啦！
正係因為輪狀病毒咁普遍，又咁多病徵，⼩編就訪問到兒科醫⽣林展輝，為⼤家拆解輪狀病毒啦！即刻聽吓醫⽣點講啦～
咩係輪狀病毒感染？
輪狀病毒係⼀種RNA病毒。病毒喺電⼦顯微鏡下⾯呈現⾞輪狀，故命名為輪狀病毒。佢通常會以糞⼝途徑傳播，⼈類只要接觸到受污染嘅食物、⽔或物件，就有機會受到感染！
受感染的兒童每公克糞便可排出 1000 億隻病毒。
感染後會有咩病徵?
輕度的話會有⽔漾腹瀉。若不幸有重度腹瀉，可能會有脫⽔嘅情況，同時好有機會伴隨嘔吐同發燒。
唔好以為腹瀉只係⼩事！其實根據2015年全球數據，腹瀉係造成 5 歲以下兒童死亡嘅第 4 ⼤原因！其中因腹瀉⽽亡嘅個案入⾯，有29.3%係因為輪狀病毒感染所致。
呢個年紀嘅BB最易感染！
輪狀病毒感染常發⽣於 3 個⽉– 2歲，最⾼峰感染時期為 6 – 11 個⽉。事實上，輪狀病毒係非常普遍嘅⼀種病毒，幾乎所有兒童喺3 – 5歲都曾試過感染。香港中文⼤學就曾有統計過香港⼩朋友感染輪狀病毒嘅情況，每24個5歲以下感染輪狀病毒嘅⼩朋友入⾯，就有1個需要進⾏住院治療，情況普遍。
各位家⻑都唔好喺⼩朋友⼤個咗之後放鬆！事實上，5歲以上嘅兒童都有感染嘅風險。甚⾄在巴西有研究發現， 6 – 18 歲嘅急性腸胃炎患者入⾯，⾼達四成於糞便樣本內檢測到輪狀病毒！林展輝兒科醫⽣提及：「好少數量的病毒已經可以引起腸胃炎」，各位家⻑真係要提⾼警覺！
咩季節係病發高峰期?
喺溫帶氣候地區，感染輪狀病毒較常見於天氣較涼嘅季節，而熱帶地區更係會全年流行！
若嬰兒不幸感染輪狀病毒，有什麼治療⽅法?
⽬前仲未有專⾨⽤嚟治療輪狀病毒嘅藥劑，林展輝醫⽣建議：「各位家⻑主要都係透過食藥、俾營養⽔BB飲、飲多啲⽔等⽅法紓解病徵；如果有發燒情況的話，就食退燒藥。」
當然，如果情況嚴重，持續且出現脫⽔現象，就可能需要靜脈注射輸液同住 院治療。
要記住輪狀病毒最嚴重嘅情況係導致死亡！輪狀病毒係導致 5 歲以下兒童死亡其中⼀⼤病原體，每年造成全球約 13 萬⼈死亡。
有⽅法保護BB減低輪狀病毒感染風險嗎？
要記住三⼤要點：保持良好的個⼈衞⽣、食物衞⽣、環境衞⽣。
除此以外，美國疾病管制與預防中心 (CDC)、預防接種諮詢委員會(ACIP)同香港衛生防護中心(CHP)都建議用接種輪狀病毒疫苗去預防輪狀病毒腸胃炎。雖然世界衛生組織（WHO）曾建議將輪狀病毒疫苗納入所有國家免疫規劃。可惜嘅係，口服輪狀病毒疫苗未納入香港兒童免疫計劃入面㗎！
不過家長依然可以經醫生建議帶小朋友去接種口服輪狀病毒疫苗。而香港市面上註冊嘅口服輪狀病毒疫苗有兩種，分別為不同的價數。不同價數疫苗含有唔同嘅抗原成分種類，如含有四種抗原成分(病毒型號)嘅流感疫苗，就稱為「四價流感疫苗」。
咁係咪價數越多就越好呢？林展輝醫生解釋：「醫生係會考慮疫苗嘅價數啦、 覆蓋嘅病毒型號同埋疫苗嘅有效期等等，幫BB揀最適合嘅疫苗。」
何時接種口服輪狀病毒疫苗?
其實最早喺出生6星期起，就可以接種第一劑疫苗。接種輪狀疫苗係有年齡限制㗎！快啲問吓醫生！林展輝兒科醫生提及，唔少家長會因為忘記時間、預到太趕、BB唔舒服……等等原因而過咗限期時間。所以各位家長記得留意啦～
接種輪狀病毒疫苗可能有邊啲副作⽤？
林醫⽣：「我個⼈認為，輪狀病毒疫苗嘅副作⽤不算大，⼀般即使有副作⽤ （腹瀉、嘔吐、發燒），時間都好短暫。」
何時向醫生查詢輪狀病毒疫苗的詳情？
正因為寶寶的輪狀病毒疫苗接種時間有限，建議喺懷孕嘅時候就向醫生查詢詳情
鳴謝：林展輝醫⽣
本健康專題由MSD贊助。
HK-ROT-00116 Apr/2021
